“Fənərbağça”nın yeni transferi Əmrə Belözoğlu bir müddət komandanın hazırlığına qatıla bilməyəcək. Bu futbolçunun hərbi xidmətə yollanması ilə əlaqədardır. Əmrə ilə bərabər Almaniyanın “Frayburq” klubunun şərəfini qoruyan təcrübəli futbolçu Ali Günəş də vətəni qarşısında borcunu yerinə yetirmək üçün hərbi hissəyə yollanıb. Onların hər ikisi eyni məkanda - Burdurdakı 56-cı piyada alayında qulluq edəcəklər. Əmrə pullu hərbi xidmətə yollandığı üçün onun qulluq müddəti 35 gün çəkəcək.
